Луиш Фигу: Мбаппени сотиб олиш мумкин деб ўйламайман, аммо...

Португалиялик собиқ футболчи Луиш Фигу ПСЖ форварди Килиан Мбаппенинг “Реал”га ўтиши мумкинлиги ҳақидаги хабарларга ўз муносабатини билдириб ўтди.

“Агар сиз керакли ҳислатларга эга бўлсангиз, ёш ҳеч нарсани англатмайди. Энг муҳими Килиан ўсишда давом этмоқда ва бундан тўхтамаяпти. Кундан-кунга яхшироқ бўлиб бормоқда. Бу орқали у ўзи истаган барча нарсага эришиши мумкин.

Мбаппе – ёш футболчи. У нафақат дунёнинг энг кучли, балки, энг қимматбаҳо футболчиларидан бири ҳисобланади. У молиявий муаммолари йўқ жамоада тўп сурмоқда. Уни олиб келиш мумкин деб ўйламайман, аммо у “Реал”ни кучайтириши мумкин”, - дейди Фигу.