Лука Модрич дербига оиласи ва дўстлари учун 60 та чипта сотиб олди

"Милан" ярим ҳимоячиси Лука Модрич Италия чемпионатининг 28-туридан ўрин олган "Интер"га қарши дерби учрашуви учун оиласи ва дўстларини таклиф қилди.

Беллашув "Сан-Сиро" стадионида бўлиб ўтади ва ўйин Тошкент вақти билан соат 00:00'да бошланади.

"Sky Sport Italia" хабарига кўра, Модрич бугунги ўйинга оиласи ва яқинлари учун 60 та чипта сотиб олган. Таклиф этилганлар орасида Хорватия терма жамоасида Лука Модрич билан бирга ўйнаган Марио Манжукич ҳам бор.

Маълумот учун, Манжукич 2020/21 мавсумида "Милан" шарафини ҳимоя қилган.