Лука Модрич: Ла Лигадаги миссия тугади

"Реал" клуби ярим ҳимоячиси Лука Модрич ЕЧЛ кубогини қўлга киритишни кўзламоқда. Бу ҳақда Испания нашрлари хабар берди.

- Мамлакат чемпионлигини қўлга киритдик. Ла Лигадаги миссия тугади. Энди навбат ЕЧЛга. Биз бу кубокни ҳам ўзимизники қилмоқчимиз. Чунки жамоа айни пайтда бу ҳақда ўйламоқда. Лекин, аввало "Манчестер Сити" тўсиғидан ўтишимиз лозим. Сабаби "шаҳарликлар" Мадридда ғалаба қозонганди. Жавоб ўйинини сабрсизлик билан кутмоқдамиз, - деди Модрич.