Лука Модрич: "Реал" ҳали ўзига келади

"Реал" клуби ярим ҳимоячиси Лука Модрич жамоанинг айни пайтда қайд этаётган натижаси ва ўйини борасида тўхталиб ўтди. Бу ҳақда AS нашри хабар берди.

- Жамоа бир маромда ўйин намойиш этмаяпти? Тўғри. Чунки биз охирги йилларда жуда катта ишларни амалга оширдик, совринлар ютдик. Бу осон иш эмас, кўп куч сарфланади, меҳнат қилинади. Шунинг учун бизда бироз чарчоқ аломатлари сезилаётган бўлиши мумкин. Аммо бу ўткинчи ҳолат. Ҳар бир жамоада бундай вазият учраб туради ва биз ушбу қора кунлардан чиқиб кетишимизга ишонаман. Чунки клубда катта аҳил оила бор. "Реал" ҳали ўзига келади. Лекин биз Ла Лигада етакчилик қиляпмиз. Буни ҳам эсдан чиқармаслик зарур, - деди Модрич.