Лукаку "Челси" учун тиббий кўрикдан ўтди

Миланнинг "Интер" клуби ва Бельгия терма жамоаси ҳужумчиси Ромелу Лукаку тез орада "Челси" футболчисига айланади. Бу ҳақда италиялик журналист-инсайдер Жанлука Ди Марцио хабар тарқатмоқда.

Юқоридаги манбага кўра, Лукаку бугун Миландаги Columbus клиникасида “Челси” учун тиббий кўрикдан ўтган. Натижалар муваффақиятли чиққан.

Журналист Фабрицио Романо тарқатган хабарга қараганда, Лукаку шу ҳафта Лондонга йўл олади. Ушбу трансфер ҳақида яқин кунлар ичида расман эълон қилинади.

Бундан аввалроқ, "Челси" Лукаку учун “Интер”га 115 миллион евро тўлаши ҳақида хабарлар тарқалган эди. Футболчининг йиллик маоши 12 млн еврони ташкил этади.