Лукаку футбол тарихидаги трансфер рекордини урди

“Интер”ни чемпион бўлишига катта ҳисса қўшган Ромелу Лукакунинг “Челси”га ўтиши бельгиялик футболчи номини тарихга муҳрлади.

Маълумотларга қараганда, Ромелу Лукаку барча трансферларни инобатга олганда дунёнинг энг қиммат футболчисига айланди. Тажрибали тўпурар фаолияти давомида олти маротаба жамоасини алмаштирди. Ўйинчи учун клублар жами 341 миллион евро харажат қилган. Бу аввалги рекорд соҳиби Неймарнинг трансферларидан 12 миллион еврога кўпроқ.

Ромелу Лукакунинг “Челси”га қайтиши лондонликларга 115 миллион еврога тушган. Ўз даврида, “Челси” уни “Эвертон”га 35 миллион еврога сотиб юборганди. Лукаку бу икки жамоадан ташқари “Андерлехт”, “Вест Бромвич”, “Манчестер Юнайтед”, “Интер” шарафини ҳам ҳимоя қилган.