Лукаку: Ғалабадан хурсандмиз, аммо ҳимояланишда кўпроқ ишлашимиз керак

"Интер" ҳужумчиси Ромелу Лукаку "Сассуоло" (4:3) устидан қозонилган ғалабадан сўнг, ўз фикрларини билдириб ўтди.

"Аслида, беллашув 4:1 ҳисобида якунига етиши керак эди.

Биринчи бўлимда барчасини тўғри бажардик, иккинчисида эса биз кўпроқ гол уришимиз керак эди.

Яхши кайфиятни берувчи томони, биз 3 очкога эга бўлдик, аммо ҳимояланишда кўпроқ ишлашимиз керак. Мен жамоанинг ғалабаси ва хурсандчилиги учун ёрдам беришга ҳаракат қиламан. Сабаби, ғалаба биз учун жуда муҳим.

Голимни мураббий билан нишонлашим нима билан боғлиқ? Биз Конте билан бир жамоамиз. Қачонки гол урсам, мен барча билан бирга нишонлашни истайман. Ҳар бир баҳсда жонимни бериб ўйнайман," - деди Лукаку.