Lukaku "Inter"da qoladimi? Klub rasmiysi javob berdi

"Inter" bosh direktori Juzeppe Marotta hujumchi Romelu Lukakuning kelajagi haqida gapirdi. Romelu Lukaku hozirda "Inter"da ijara asosida o‘ynamoqda. 29 yoshli belgiyalik futbolchining transfer huquqlari "Chelsi"ga tegishli.

- Lukaku keyingi mavsum klubda qoladimi?

- Qaror qabul qilishga hali erta. U "Chelsi"ga qaytadi va keyin nima bo‘lishini ko‘ramiz. Lukaku albatta "Inter"da qolishni istaydi, buni bilamiz", - deb Marottaning so‘zlarini keltiradi Fabritsio Romano ijtimoiy tarmoqlarda.

Ma’lumot uchun, 2022/2023 yilgi mavsumda 29 yoshli hujumchi 15 ta o‘yinda maydonga tushib, 4 ta gol urdi va bitta golli uzatmani rasmiylashtirdi.