Лукаку "Интер"да қоладими? Клуб расмийси жавоб берди

"Интер" бош директори Жузеппе Маротта ҳужумчи Ромелу Лукакунинг келажаги ҳақида гапирди. Ромелу Лукаку ҳозирда "Интер"да ижара асосида ўйнамоқда. 29 ёшли бельгиялик футболчининг трансфер ҳуқуқлари "Челси"га тегишли.

- Лукаку кейинги мавсум клубда қоладими?

- Қарор қабул қилишга ҳали эрта. У "Челси"га қайтади ва кейин нима бўлишини кўрамиз. Лукаку албатта "Интер"да қолишни истайди, буни биламиз", - деб Мароттанинг сўзларини келтиради Фабрицио Романо ижтимоий тармоқларда.

Маълумот учун, 2022/2023 йилги мавсумда 29 ёшли ҳужумчи 15 та ўйинда майдонга тушиб, 4 та гол урди ва битта голли узатмани расмийлаштирди.