Лукаку нега ПСЖга ўтишдан бош тортди?

“Челси” ҳужумчиси Ромелу Лукаку ПСЖга ўтишдан бош тортди, дея хабар бермоқда Corriere della Sera.

Манбага кўра, француз клуби 29 ёшли бельгиялик футболчига таклиф билан чиққан, бироқ у фақат "Интер"га ўтмоқчи эканини маълум қилган. Олдинроқ миланликлар ёзги трансфер ойнасида ҳужумчи ижарага олиши мумкинлиги ҳақида хабарлар тарқалган эди.

Ромелу Лукаку ўтган мавсум "Челси" сафида жами 44 та ўйинда майдонга тушиб, 15 та гол урди ва 2 та голга ассистентлик қилди. Унинг клуб билан шартномаси 2026 йилнинг ёзига қадар мўлжалланган.