Лукакуни биз оламиз!

“Атлетико” ҳужум чизиғини кучайтириш мақсадида “Челси”да ишлари юришмаётган Ромелу Лукакуни олиб келмоқчи.

Лондонликлар ёзда бельгиялик футболчини олиш учун “Интер”га 97,5 миллион фунт тўлаган эди. Бироқ, қимматбаҳо трансфер ўзини оқламади. Тажрибали футболчи иккинчи уринишда ҳам “аристократлар” кутган самарадорликни кўшрсата олмади.

“Челси” тарихидаги энг қиммат трансфер эгаси бўлган Ромелунинг ўзи ҳам бошқа чемпионатга ўтиш истагини яширмаяпти. У ҳозир “Интер”га қайтишни орзу қиляпти. Бироқ, Милан шаҳрининг “Интер”га мухлислик қиладиган аҳоласи ҳужумчи пул учун жамоани тарк этганини таъкидлаб, унинг қайтишига қарши чиқди.

Қолаверса, “Челси” атрофида юзага келган вазият жамоанинг келажагини хавф остига қўйган ва кўп футболчилар бошқа жамоаларга ўтиш пайида юрибди.