Lukas Bilya: Javobgarlikni o‘z zimmamizga olishimiz kerak

"Milan" klubi himoyachisi Lukas Bilya jamoaning ayni damdagi vaziyati haqida o‘z fikrini bildirib o‘tdi.

“Javobgarlikni murabbiyga ag‘darib qo‘yishimiz emas, balki,  o‘z zimmamizga olishimiz kerak. Besh kunlik mashg‘ulot foydali bo‘ldi, vaqti birgalikda yaxshi o‘tkazdik”, - deydi Bilya.

Eslatib o‘tamiz, "Milan" bosh murabbiyi Jennaro Gattuzo Bakoyokoning mashg‘ulotga kech qolgani sabab jamoa qarorgohini 5 kunga yopib qo‘ygan edi. “Rossonerilar” ayni damda 59 ochko bilan 5-o‘rinni egallab turibdi.