Лукман кетма-кет иккинчи кун ҳам машғулотларда иштирок этмади

"Интер"га ўтишни истаган "Аталанта" футболчиси Адемола Лукман кетма-кет иккинчи кун клуб базасига келмади ва машғулотларда иштирок этмади. Энди эса у Италияни тарк этиб, қўшимча таътилга отланди.

"Football Italia" нашрининг хабарига кўра, бергамоликлар раҳбарияти унга катта миқдорда жарима солиш талабини тайёрлади. Клуб бу хатти-ҳаракатни сабабларидан қатъи назар мутлақо қабул қилиб бўлмасдек деб баҳоламоқда.

Аввалроқ "Интер" Лукман учун берган 45 миллион евро (бонуслар билан) таклифи рад этилганди. Миланликлар энди суммани кўтариб, сўралаётган 50 миллион еврога яқинлашишга тайёр.