Lyubinko Drulovich Xitoyga qarshi o‘yindagi g‘alabadan so‘ng nimalar dedi?

U-23 Osiyo chempionati "S" guruhi 2-turidan o‘rin olgan Xitoy - O‘zbekiston bahsi yakunlandi. Unda vakillarimiz 2:0 hisobida zafar quchishdi.

Uchrshuvdan so‘ng O‘zbekiston OTJ bosh murabbiyi Lyubinko Drulovich o‘z fikrlari bilan o‘rtoqlashdi.

- Uchrashuvning 1-qismini yaxshi o‘tkazdik. Dastlabki taymda o‘yinimiz ancha qovushdi, vaziyatlar yaratdik. Ammo ularning hammasidan ham foydalana olmadik. Birinchi bo‘limning oxirida hisobni ochib, niyatimizga erishdik.

Oybek Bozorov menda yaxshi tassurot qoldirdi. O‘z navbatida Xitoy ham yaxshi harakat qildi.

Eron bilan bahsdan keyin g‘alaba qozonishimiz shart edi. 1 ochko olgandik xolos. Shu boisdan ham yigitlarni yaxshi tayyorladik. Ular ko‘rsatmalarimizni a’lo darajada bajarishdi. Endi e’tiborimiz keyingi turga qaratiladi.

Bu 2-o‘yinimiz. Keyingi turlarda o‘yindan ham gol urishga intilamiz. Faqat penaltilardan emas. O‘ylaymizki, Janubiy Koreya bilan bahsda ham g‘alaba qozonib, keyingi bosqich yo‘llanmasini qo‘lga kiritamiz.

Nurillo To‘xtasinov jamoaning asosiy tarkib futborlchisi hisoblanardi. Ammo bugun u zaxiradan maydonga tushdi. Sababi uning o‘rnida harakat qilgan Oybek Bozorov himoya va yarim himoyani bog‘lab turadigan futbolchi edi. Shuning boisdan Oybek maydonda ko‘p harakat qildi. Biroq u biroz charchab qolgani uchun To‘xtasinov bilan almashtirdik. Bu o‘zgarish samara berdi, - dedi Lyubinko Drulovich.