Мадридликлар А Серия ҳужумчисини чорламоқда

“Ювентус”нинг аргентиналик ҳужумчиси Паолу Дибала Испания чемпионати вакили “Атлетико”дан таклиф бўлаётганини маълум қилди.

- “Атлетико”дан бир неча маротаба қўнғироқ бўлди. Улар агентим билан гаплашяпти. Аслида бошқа клублардан ҳам кўп телефон қилишади ва вазиятга аниқлик киритишни исташади. Музокаралар уч кун ҳам, ярим йил ҳам давом этиши мумкин, - деди Пауло Дибала.

Аргентиналик ҳужумчи “Ювентус" билан янги шартнома бўйича келиша олмаяпти. У йилига 15 миллион евро маош талаб қилмоқда. Туринликлар бу суммани тўламоқчи эмас. Шу боис, “Ювентус” ёзда Дибалани сотиб юбормоқчи.

Жорий мавсум А Серияда 15 та учрашув ўтказиб, учта гол урган ҳужумчига Европанинг гранд жамоалари харидор бўлмоқда.