Мадридликлар уч ўйинчи билан “орзулар жамоаси”ни тузяпти!

Диего Симеоне уч футболчини таклиф қилиш орқали “Атлетико”ни орзулар жамоасига айлантиришга  бел боғлади.

Аргентиналик мутахассис нафақат Ла Лига, балки Европа Чемпионлар лигасида ҳам мунтазам бош соврин учун курашишни мақсад қилган.

Демак, Симеоне кимларни кутяпти?

Пауло Дибала – 31 ёшли аргентиналик юлдузнинг “Рома” билан шартномаси тугаяпти. Дибаланинг ўзи ҳам Европа Чемпионлар лигасини соғинган.

Алекс Баэна – “Вильярреал” етакчисига айланган ярим ҳимоячи энди катта клубларда совринлар учун курашишга тайёр. Диего Симеонега испан футболчисининг майдонни кўра олиш қобилияти ва универсаллиги ром этган.

Кристиан Москера –  20 ёшли марказий ҳимоячи испан футболида энг ёрқин талантлардан бири ҳисобланади. Москера ҳозир "Валенсия"да ўйнаяпти. Унинг шартномаси 2026 йил ярмигача тузилган. Бироқ бу жамоа истеъдодли ҳимоячини ушлаб қолиши жуда қийин.