Мадридликлар устози “Барса”дан учралган аламли мағлубият айбдори кимлигини айтди

Испания чемеионати 28-турининг марказий учрашувида чемпионлик учун курашаётган икки жамоа – “Атлетико” ва “Барселона” ўзаро тўқнаш келди.

Мадридликлар ўз мухлислари кўз ўнгида 72-дақиқагача 2:0 ҳисобида олдинда борди. Бироқ каталонияликлар ўйин якунлангунича “Атлетико” дарвозасини тўрт бор ишғол қилиб, ғалабани илиб кетди ва мусобақа жадвалида яна биринчи ўринга кўтарилиб олди.

“Атлетико” бош мураббийи Диего Симеони мағлубиятда энг аввало, ўзи айбдор эканини тан олди.

- Ҳаммаси биз учун жуда яхши давом этаётган эди. Лекин мен Хосе Мария Хименесни майдонга туширишга кеч қолдим. Мен уни иккинчи голни уришимиз билан майдонга чиқаришим керак эди.

Футбол хатоларни кечирмайди, мен ўз ишимга танқидий ёндошишим керак.

Балки, Хименес ўйинга эртароқ қўшилганида “Барселона” олтита гол уриши ҳам мумкин эди. Лекин ўша вазият биз ўйинчи алиштиришни эртароқ бошлашимиз керак эди. Мен бу ишни ўз вақтида қила олмади. Хименес ўйинга қўйилганида ҳисоб тенглашиб бўлганди, - деди Диего Симеоне.