Мағлубият қимматга тушди. “Реал” Анчелоттини бўшатмоқчи

“Реал” Чемпионлар лигаси нимчорак финал дастлабки учрашувида ПСЖдан кичик ҳисобда мағлубиятга учради.

Sport нашрининг хабар беришича, Париждаги натижа клуб хўжайинларининг норозилигига сабаб бўлган. “Қироллик клуби” президенти Флорентино Перес жамоага янги бош мураббий олиб келишга қарор қилгани айтилмоқда.

Клуб раҳбарининг режасига кўра, италиялик мутахассис мавсум охиригача жамоани бошқаради. Ҳозир мадридликлар ички чемпионатда биринчи ўринда бормоқда ва катта эҳтимол билан чемпионлик унвонига сазовор бўлади.

Бироқ, Перес учун Чемпионлар лигасининг аҳамияти юқорироқ туради. У ёзда жамоага бош мураббий сифатида Юрген Клопп ёки Маурисио Почеттинони олиб келмоқчи экани ҳақида хабарлар чиқа бошлади.