Мағлубиятлар қимматга тушди. “Реал” Анчелоттидан воз кечмоқчи

“Реал” Испания чемпионатида “Барселона”дан, Европа Чемпионлар лигасида “Милан”дан енгилди. Ҳар икки мағлубият Мадридда рўй бергани янада аламли бўлди.

Кетма-кет келган муваффақиятсизлик Карло Анчелоттининг келажагига раҳна соляпти. Relevo нашрининг ёзишича, “Қироллик клуби” италиялик мутахассис билан хайрлашиш масаласини ўргана бошлади.

Карло Анчелотти қўллаётган янги ўйин схемасида кейинги йилларда катта умидлар билан олиб келинган Жуд Беллингем, Арда Гюлер ва Эндрик каби ҳужумкор футболчилар ўзини кўрсатиши учун имкониятга эга бўлолмаяпти.

Агар жамоа ўйини тез орада яхшиланмаса ва натижалар ижобий томонга ўзгармаса, “Реал” мутасаддилари бош мураббий масаласида кескин чоралар кўриши айтилмоқда.