Магнус Карлсен бўлажак турнир олдидан интервью бериб, Синдаровни тилга олди

Жаҳоннинг энг яхши шахматчиси, Магнус Карлсен Рапид ва Блиц мусобақалари олдидан қизиқарли интервью берди. У қисқа форматлардаги мусобақаларнинг тасодифийлиги, ёш шахматчилар ва эҳтимолий сюрпризлар ҳақида фикр билдирди. 
 
- Тасаввур қилинг, Рапид бўлими учун ўзингиздан ташқари 3 нафар кучли шахматчини танлаш керак бўлса, кимларни танлардингиз? 
 
“Ростини айтсам, Рапид жуда қисқа ва тасодифий формат. Шу сабабли аниқ фаворитларни ажратиш жуда қийин. Айниқса ҳозир Ҳикару ва Алиреза иштирок этмаётган бир пайтда (Алиреза бироз аввал иштирок этишини тасдиқлади). Очиғи, бу мусобақа деярли лотереяга ўхшайди. Албатта, ўзимни ҳисобга олмаганда.Ҳат­токи ўзим ҳақимда айтадиган бўлсам, менинг кўрсаткичим Блицда яхшироқ. Чунки раундлар кўп бўлади ва ўз кучингни кўрсатиш учун имкониятлар ҳам кўпроқ.” 

- Ёш шахматчилардан-чи, алоҳида ажратиш керак бўлса, ким кутилмаган натижа кўрсатиши мумкин? 

“Сўнгги ўйинларини ҳисобга олган ҳолда Синдаровни тилга олмаслик қийин. Шунингдек,эҳтимолдан узоқ вариантдек кўринса-да, лекин мен Гукеш ҳам яхши турнир ўтказиши мумкин деб ўйлайман” 

- Агар Блиц учун 3 нафар шахматчини танлаш керак бўлса, кимлар бўларди? 

“Блицда одатда Ҳикару ва Алиреза энг кучли иккинчи ва учинчи ўйинчилар ҳисобланади. Аммо улар йўқ пайтда, 19 раундли турнирда ким ажралиб чиқишини айтиш жуда қийин. Очиғи, аниқ фаворитлар йўқ.” 

Магнус эҳтимолий сюрпризлар бўлиши мумкинлиги ҳақида ҳам қўшимча қилди: 

“Дубов фаворит бўлиши мумкин, агар қатнашаётган бўлса (*Дубов бор). Унинг Блицда яхши натижалари бор. Ниҳал ҳам бу сафар сюрприз қилиши мумкин — ким билсин.”