Магуайр икки ўт орасида қолди. Агар бу ишни қилмаса терма жамоага чақирилмайди

Англия терма жамоаси бош мураббийи Гарет Саутгейт "Манчестер Юнайтед" ҳимоячиси Харри Магуайрга жамоани тарк этишга чақирди.

The Athletic хабарига кўра, футболчининг ўзи ҳам "Олд Траффорд"да қолса, етарли ўйин амалиётига эга бўлмагани учун Англия терма жамоасидаги ўрнини йўқотишидан қўрқади.

Манба берган хабарга кўра, клуб футболчидан қутулиш истагида, аммо шунга қарамай, Магуайр "Манчестер Юнайтед"да қолишни хоҳлайди. Унинг МЮдан кетиш ҳақида ўйлашга мажбур қиладиган ягона омил - Саутгейтнинг позицияси.

"Манчестер Юнайтед" раҳбарияти эса жамоа сардорини 45 миллион евро эвазига қўйиб юборишга тайёр.