Макрон ва Мбаппе "Реал" ҳақида суҳбатлашди

Килиан Мбаппе Франция президенти билан суҳбатда "Реал"га ўтишини тасдиқлади. 

"RMC Sport" хабарига кўра, бугун Эммануэль Макрон ва Франция спорт вазири Амели Удеа-Кастера терма жамоа футболчилари ва бош мураббий Дидье Дешам билан учрашди. Франция президенти Мбаппедан "Реал"га ўтиши мумкинлиги ҳақида сўради. 

- Бу қачон эълон қилинади? 

"Бугун кечқурун", - дея жавоб берди ҳужумчи. 

Аввалроқ, Мбаппе "Реал" билан 5 йиллик шартнома имзолагани ва "Евро-2024"дан кейин расман Мадрид клуби футболчиси сифатида эълон қилиниши маълум бўлганди.