Максим Шацких: "Кейинги босқичда ким билан тушишимиз аҳамиятсиз"

"Пахтакор" - "Шўртан" (5:0) учрашувидан кейинги матбуот анжуманида мезбонлар бош мураббийи Максим Шацкиц қуйидагича фикр билдирди:

"Тезкор голдан кейин футболчиларимиз яна уриб ташлаймиз деб ўйлашди, аммо бу гол биринчи бўлимда ягоналигича қолди.

Хотиржамликка берилдик, яхшики гол ўтказиб юбормадик. Танаффусда керакли кўрсатмалар берилди. Иккинчи голни уриб олганимиздан кейин ҳаммаси изига тушиб кетди.

Ҳужумда тезликни оширдик. Алиқуловга омад тилаган ҳолда, унинг жамоаси футбол ўйнашга ҳаракат қилганини эътироф этаман. Шунчаки, тўпни тепиб юбормаяпти. Кейинги босқичда ким билан тушишимиз аҳамиятсиз, чунки олдимизга энг юқори мақсадлар, совринларга эга чиқиш вазифаси қўйилган", - деди Шацких.

"Пахтакор" матбуот хизмати.