Максим Шацких: "Локомотив"нинг "Навбаҳор"га қарши ҳам бугунгидек зўр ўйнашига ишонаман"

Ўзбекистон Суперлигаси 23-туридан ўрин олган "Пахтакор" - "Локомотив" (2:0) учрашувидан сўнг "шерлар" бош мураббийи Максим Шацких матбуот анжуманида иштирок этиб, қуйидаги фикрларни билдириб ўтди:

"Бугун ҳақли равишда ғалаба қозондик деб ўйлайман. Менимча, икки хил бўлим гувоҳига айландик. Биринчи таймда фаоллик ва самарадорлик кўпроқ кузатилди. Иккинчи бўлимда эса онгли равишда ташаббусни рақибга бердик. Дастлабки 45 дақиқаликда рақиб жамоа ярим майдонида бир нечта ҳолатлар содир этдик. Футболчимиз бирга-бир вазиятга чиқиб борганда, рақиб посбони қутқарди. Мавсум охири ҳамиша биринчи даражага чиқади.

Ҳозирда "Локомотив" қийин аҳволда. Уларнинг бундай катта куч билан ҳужумга ташланиши табиий. Шу боис, "Локо"нинг "Навбаҳор"га қарши ҳам бугунгидек зўр ўйнашига ишонаман.

Жамоамнинг жисмоний ҳолати яхши даражада. Натижа борасида шундай босим бўлиши мумкин. Бизнинг хато қилишга ҳаққимиз йўқ. Турнир жадвалидан келиб чиқиб, аутсайдер ёки аутсайдер бўлмаган жамоа сифатида қараш керак эмас, ҳозир барча футбол ўйнашни ўрганган. 90 дақиқа давомида прессинг қилиш имконсиз, бундай жамоа йўқ ва бўлмайди ҳам. Футболчилар бизнинг айтганимизни бажаришди. Бизнинг ўз тактикаларимиз, ишланмаларимиз бор, қисқа вақт ичида йигитларга янги нарсани ўргатиб бўлмайди. Футболчилар бугун биз берган вазифаларни бажаришди. Бугун мен ҳеч қандай улкан муаммони кўрмадим".

"Пахтакор" клуби матбуот хизмати