Мальдив МТЖ бош мураббийи йирик ҳисобдаги мағлубиятга изоҳ берди

Осиё Кубоги-2023 саралаш босқичи доирасидаги Таиланд - Мальдив учрашуви ниҳоясига етди. Унда номинал мезбонлар 3:0 ҳисобида зафар қучди. Беллашувдан сўнг ташкил этилган матбуот анжуманида "яшил қаҳрамонлар" бош мураббийи Франческо Морьеро иштирок этиб, қуйидаги фикрларни билдириб ўтди:

"Биз ўз имкониятларимиз даражасида ҳаракат қилдик. Аммо Таиланд жуда кучли жамоа. Биз ўйиндан ўйинга ўсишга эришишга ҳаракат қиламиз. Бу турнир жамоам учун катта тажриба вазифасини ўтайди.

Мен Ўзбекистонга биринчи марта ташриф буюрдим. Бу ерда мухлисларни футболга бўлган муҳаббати ва одамларнинг меҳмондўстлиги менда илиқ таассурот қолдирмоқда. Наманганда мени ҳамма нарса қониқтирмоқда, фақат бугунги натижадан бошқа".