Малком Гризманнинг "Барселона"га ўтишидан чўчимоқда

Каталониянинг “Барселона” клуби вингери Малком гарчи камроқ ўйин амалиётига эга бўлаётганига қарамай “кўк-анор ранглилар” сафида камида яна бир мавсум қолишни режалаштирмоқда.

UOL Esporte тарқатган хабарга кўра 22 ёшли бразилиялик футболчини шунингдек “Атлетико” форварди Антуан Гризманнинг “Барса”га кўчиб ўтиши мумкинлиги ҳам ҳавотирга солмоқда. Агар франциялик футболчи чиндан ҳам ёзда каталонияликлар сафига ўтса, у ҳолда Малком бошқа жамоаларнинг таклифини кўриб чиқиши мумкин.

Эслатиб ўтамиз, “Барселона” Малкомни 2018 йилда “Бордо”дан 41 млн еврога сотиб олган эди. У жорий мавсум 23та ўйинда майдонга тушди ва рақиблари дарвозасига 6та гол уришга эришди.