Мамардашвили: “Винисиус билан пенальтига €50 га шартлашгандик... Ҳали бермади”

“Валенсия” дарвозабони Георгий Мамардашвили “Реал Мадрид”га қарши ўйиндаги пенальти вазияти ҳақида кулиб эслади. Унинг айтишича, Винисиус Жуниор билан ўйин олдидан шўхлик билан шарт тикишган экан.

— Мен Винисиусга айтдим: “Бу пенальтини тўхтатаман, €50 тикяпман”. Шунчаки ҳазиллашдик. Лекин пенальтини тўхтатдим... Аммо у ҳали ҳамон пулни бермади, – деди Мамардашвили "El Chiringuito"га берган интервьюсида.

Эслатиб ўтамиз, бўлиб ўтган учрашувнинг 13-дақиқасида бразилиялик вингер пенальтидан фойдалана олмаган эди.