Манба: Бензема "Реал" билан келишувга эришди

Мадриднинг “Реал” клуби ҳужумчиси Карим Бензема жамоаси билан шартномасини узайтириш борасида келишиб олди. "Marca" хабарига кўра, бу яқин кунларда расман эълон қилинади.

Ўтган мавсумда Бензема Испания чемпионати ва Чемпионлар лигасининг энг яхши тўпурари бўлган, шунингдек, "Реал" Мадридга ҳар иккала совринни қўлга киритишига ёрдам берган. Юқоридагиларнинг барчаси французни “Олтин тўп” учун асосий даъвогарга айлантиради.

Бензема кеча Ла Лига доирасида "Осасуна"га қарши ўйинда пенальтидан фойдалана олмади. Ҳужумчи янги мавсумда Испания чемпионатида учта гол урди ва битта голли узатмани амалга оширди.

Бенземанинг "Реал" билан шартномаси мавсум охирида якунига етади.