Манба: Гвардиола бу ёз “Сити”дан кетади

"Манчестер Сити" 2027 йилнинг ёзигача мўлжалланган шартномага қарамай, бош мураббий Хосеп Гвардиола мавсум якунида клубни тарк этишига ишонади. Испаниялик мутахассис бир неча ҳафта олдин кетишга қарор қилган. Бу ҳақда Daily Mail хабар бермоқда.

Манба маълумотларига кўра, "шаҳарликлар" қароргоҳида расмий эълон қилинишига бир неча кун қолганини тахмин қилишмоқда.

Гвардиола "Манчестер Сити"ни 2016 йилнинг ёзидан буён бошқариб келмоқда. Жорий мавсумда "шаҳарликлар" унинг қўл остида Лига кубоги ва Англия кубогини қўлга киритди. АПЛнинг 36 туридан сўнг жамоа 77 очко жамғариб, пешқадам "Арсенал"дан икки очко ортда қолиб, иккинчи ўринни эгаллаб турибди. Ҳар икки клуб чемпионатда яна иккита ўйин ўтказади.