Манба: Ковачич "Манчестер Сити"га ўтди

Матео Ковачич "Челси"дан "Манчестер Сити"га ўтди.

Журналист Фабрицио Романонинг сўзларига кўра, келишув келишилган ва ёпилган. Клублар ярим ҳимоячини 25+5 миллион фунт эвазига трансфер қилишга рози бўлишди. 5 миллион фунт стерлинг миқдоридаги бонусни тўлаш футболчининг шахсий ўйинига эмас, балки "Ман Сити" ютган совринларга боғлиқ.

Шахсий шартнома шартлари икки ҳафта олдин келишилган. Фақатгина "Манчестер Сити"га ўтишни истаган Ковачич яқин кунларда янги жамоаси учун тиббий кўрикдан ўтади.

Матеонинг "Челси" билан шартномаси 2024 йилнинг ёзида якунига етади.

29 ёшли футболчи Лондон клубига 2019 йилда келиб қўшилган эди. “Аристократлар” сафида хорватиялик хавбек Чемпионлар лигаси, Европа лигаси, Европа Суперкубоги ва клублар ўртасидаги жаҳон чемпионатида ғолиб чиқди.

Хорватиялик футболчи ўтган мавсумда "Челси" сафида барча турнирлар доирасида 37 та ўйинда майдонга тушиб, 2 та гол урди, 2 та голга ассистентлик қилди ва 10 та сариқ карточка олди.