Манба: Маунт "Манчестер Юнайтед" билан аллақачон келишиб олган

"Челси" ярим ҳимоячиси Мэйсон Маунт ёзда "Манчестер Юнайтед"нинг трансфер мақсадларидан бири ҳисобланади.

Инсайдер Фабрицио Романонинг хабар беришича, манкунианликлар футболчи билан муваффақиятли музокара олиб боришган ва меҳнат шартномаси тафсилотларини аллақачон келишиб олишган. “Қизил иблислар” ярим ҳимоячининг трансфер суммасини “аристократлар” билан келишиб олишлари керак. Пойтахт клуби Маунтни сотишдан 70-75 миллион евро ишлаб олмоқчи.

Мэйсон "Челси" академиясининг битирувчиси ҳисобланади. 24 ёшли хавбек ўтган мавсум АПЛда 24 та ўйинда майдонга тушиб, 3 та гол ва 2 та голли узатмага муаллифлик қилди.