Манба: Месси МЛС клубига ўтиши мумкин

"Лос-Анжелес Гэлакси" клуби "Барселона" сардори Лионель Мессини харид қилиш имкониятларини кўриб чиқмоқда. Бу ҳақида журналист Жон Рохас ўзининиг твиттер саҳифасида пост ёзиб қолдирди.

"Аргентинада Мессининг отасига "Лос-Анжелес"дан кўнғироқ бўлгани, унда эса Лео фаолиятини МЛСда давом эттириш бўйича таклифга муносабати ўрганилгани ҳақида гап-сўзлар муҳокама қилинмоқда", - дейди Рохас.

Эслатиб ўтамиз, Мессининг "Барселона" билан амалдаги шартномаси  2021-йил ёзигача амал қилади. Transfermarket маълумотига кўра, Мессининг трансфер суммаси 140 миллион еврони ташкил қилади.

Шунингдек, клуб ва футболчи ўртасидаги шартноманинг айрим бандлари бўйича аргентиналик футболчи мавсум сўнггида каталонияликлар таркибини эркин агент сифатида ҳам тарк этиши мумкин.

Фикрлар

Фикр қолдириш учун авторизациядан ўтинг!