Манба: МЮ Фернандеш билан 5 йиллик шартнома имзолайди

"Манчестер Юнайтед" Лиссабоннинг "Спортинг" ярим ҳимоячиси Бруну Фернандешни қўлга киритишга яқин турибди.

Италиялик журналист Фабрицио Романо маълумотига кўра, инглиз клуби португалияликнинг трансфери учун 80 миллион евро тўлайди. Унинг 60 миллиони дастлабки тўлов, қолган 20 миллион евро турли бонуслар кўринишида бўлади.

Таъкидланишича, Бруну Фернандеш МЮ билан 5 йиллик шартномага имзо чекади. Унинг йиллик маоши 6 миллион еврони ташкил қилади.

Чоршанба куни "Спортинг" сардори Манчестерга тиббий кўрикдан ўтиш учун келиши кутилмоқда.