Манба: Серхио Агуэро "Барселона" билан шартнома имзолаш бўйича келишиб олди. Битим қачон ва қанча муддатга тузилиши маълум (Фото)

Охирги пайтда "Манчестер Сити" клуби ҳужумчиси Серхио Агуэро ёзда жамоани тарк этиши борасида хабарлар тинмаяпти.

Журналист Фабрицио Романонинг ёзишича, аргентиналик футболчи "Барселона"га ўтади. Томонлар ЕЧЛ финалидан сўнг 2023 йилнинг ёзигача мўлжалланган шартнома имзолаш бўйича келишиб олган.

Аввалроқ Агуэро "шаҳарликлар"ни ЕЧЛда ғолибликка эришса тарк этишини маълум қилганди. Афтидан Серхио ҳал қилувчи баҳсда "Челси"ни енгишига ишончи комил ёки жамоадаги мураббий билан келишмовчилик уни шундай қарорга келишига сабаб бўлган.

Аргентиналик тажрибали ҳужумчи жорий мавсум АПЛ доирасида 11 учрашувда майдонга тушди ва 2 бор гол урди.