Манба: “Ювентус” Погба билан келишувга эришди

"Манчестер Юнайтед"нинг собиқ ярим ҳимоячиси Поль Погба "Ювентус"га ўтишга яқин турибди, дея хабар берди “Gazzetta dello Sport” нашри.

Манба берган хабарга кўра, 29 ёшли франциялик футболчи туринликлар билан 4 йиллик шартнома имзолайди. Клуб эса хавбек учун маош, бонуслар ва агентлик тўловларини қўшиб ҳисоблаганда 80 миллион евро атрофида сарфлайди. Шу билан бирга, футболчининг маоши йилига 10 миллион еврони ташкил қилади.

1 июнь куни “Манчестер Юнайтед” Погбанинг эркин агент мақомида жамоадан кетишини эълон қилди.

Француз футболчиси ўтган мавсумда МЮ сафида барча турнирларда 27 та ўйинда иштирок этиб, битта гол ва 9 ассист муаллифига айланган.

Эслатиб ўтамиз, 2016 йилда “Манчестер Юнайтед” ярим ҳимоячини “Ювентус”дан 105 миллион еврога сотиб олганди.