“Манчесетр Юнайтед” Роналдуни Рабьо трансферига қўшмоқчи

“Манчестер Юнайтед” ҳужумчиси Криштиану Роналду шу ёзда инглиз клуби сафини тарк этиши мумкин.

Журналист Паоло Паганинининг твиттирдаги хабарига кўра, “қизил иблислар” раҳбарияти португалиялик хизматларини “Ювентус”га таклиф қилган.

Инглиз клуби 37 ёшли форвардни туринлик ярим ҳимоячи Адриен Рабьо шартномасига қўшиш имкониятини кўриб чиқмоқда.

Роналду 2018 йилдан 2021 йилгача “Ювентус” сафида ўйнаган. У Италия клуби таркибида 134 учрашув ўтказиб, 101 та гол ва 22 та голли узатмани амалга оширган.