"Манчестер Сити" 18 ёшли футболчини сотиб олишга яқин

"Манчестер Сити" ярим ҳимоячи Сверре Ньюпан трансфери борасида Норвегиянинг "Русенборг" клуби билан келишувга яқин турибди.

The Athletic нашрининг ёзишича, инглиз клуби энди футболчининг шахсий шартлари бўйича музокаралар олиб бориши керак. Агар келишув якунланса, у Норвегия чемпионати тарихидаги энг қиммат трансферга айланиши мумкин. Кутилишича, "шаҳарликлар" Ньюпанни имзо чекилгач, бир мавсумга ижарага юборади, шунда у ривожланишда давом этади.

Сверре Ньюпан "Русенборг" асосий жамоасида 70 та ўйинда майдонга тушиб, 14 та гол урган.

Хосеп Гвардиола бошчилигидаги жамоа якунланган АПЛ мавсумида 71 очко жамғариб, турнир жадвалида учинчи ўринни эгаллади.