"Манчестер Сити" АПЛ чемпионлиги учун кураша олмайди"

Пол Мерсоннинг фикрига кўра, "Манчестер Сити" АПЛ чемпионлиги учун кураша олмайди. 

Пеп Гвардиола шогирдлари Англия Премьер-лигаси турнир жадвалида 22 ўйиндан сўнг 38 очко билан бешинчи ўринда бормоқда. Пешқадам "Ливерпуль" билан орадаги фарқ 12 тани ташкил этади. 

- "Манчестер Сити" чемпионлик пойгасига қайтиши мумкинми? 

- Менимча, йўқ. Улар чемпионлик учун эмас, кучли тўртликка кириш учун курашади. 

"Сити" шанба куни "Челси"га қарши ўйин ўтказади. Ўйлайманки, лондонликлар уларни мағлуб этишади", - деди "Арсенал" собиқ футболчиси Пол Мерсон. 

Шанба куни "Манчестер Сити" АПЛ 23-тури доирасида "Челси"ни ўз майдонида қабул қилади. Беллашув Тошкент вақти билан 22:30да старт олади.