"Манчестер Сити" АПЛнинг энг яхши футболчисига икки баробар кўп маош тўламоқчи

АПЛнинг амалдаги ғолиби ҳисобланган "Манчестер Сити" ўзининг марказий ҳимоячиларидан бири - Рубен Диаш билан шартномани узайтирмоқчи. 

Daily Star нашрининг хабарига кўра, "шаҳарликлар" португалиялик футболчининг юқори даражада ўйин кўрсатаётганини муносиб рағбатлантирган ҳолда, унинг маошини икки баравар оширмоқчи. Ҳозирда футболчи йилига қарийб 4 миллион евро маош олади. Янги келишувга кўра, унинг маоши йилига 8 миллион еврони ташкил қилиши мумкин.

Англия премьер-лигасининг сўнгги мавсумида Рубен Диаш чемпионатнинг йилнинг энг яхши футболчиси деб топилган эди.

Диаш ўтган мавсум АПЛда жами 32та ўйинда иштирок этди ва ўз ҳисобига 1та гол ёздириб қўйди.