"Манчестер Сити" бу футболчини клубда қолдириш учун унинг маошини кўпайтирмоқчи

"Манчестер Сити" Родрини клубда қолдириш учун унинг маошини икки баробарга ошириш ниятида, бу ҳақида "Mirror" нашри ҳабар берди.

Манбага кўра, "шаҳарликлар" испаниялик ярим ҳимоячига ҳафтасига 440 минг евро тўлашга тайёр. Шу тариқа, Родри жамоадошлари Эрлинг Холанд ва Кевин Де Брюйне билан бирга жамоа ва Англия чемпионатининг энг кўп маош олувчи футболчиларидан бирига айланиши мумкин.

28 ёшли хавбек Испания терма жамоаси таркибида ғалаба қозонган сўнгги 2024 йилги Европа чемпионатида турнирнинг энг яхши футболчиси деб топилди. Футболчининг клуб билан амалдаги меҳнат шартномаси 2027 йилнинг ёзига қадар амал қилади. Трансфермаркт порталида берилган маълумотларга кўра, футболчининг нархи 130 миллион еврони ташкил қилади.