"Манчестер Сити" ЕЧЛ финали олдидан жиддий йўқотишга учради
Эртага футбол оламининг эътибори “Манчестер Сити” ҳамда “Челси” ўртасидаги УЕФА Чемпионлар лигаси учрашувига қаратилади.
Хосеп Гвардиола жамоаси бугун финал учрашувига мезбонлик қиладиган “Драгау” стадионида ўйин олди расмий машғулотини ўтказди. TNT Sports мухбири Марсело Бехлернинг маълум қилишича, “шаҳарликлар” етакчиларидан бири Илкай Гюндоган машғулотларни оқсоқланганча тарк этган. Афтидан, германиялик футболчининг сон мушакларида жароҳат бор.
Чемпионлар лигаси финал учрашуви 29 май куни Тошкент вақти билан соат 00:00 да бошланади. “Манчестер Сити” ўз тарихида илк бор Европанинг клублар ўртасидаги энг нуфузли мусобақаси финалида иштирок этади.
Эслатиб ўтамиз, “Челси” ярим финалда “Реал”ни, “Манчестер Сити” эса ПСЖни “улоқтириб” ташлаган эди.
Фикрлар