"Манчестер Сити" футболчиси финалдаги мағлубият учун мухлислардан узр сўради

"Манчестер Сити" ҳимоячиси Кайл Уокер УЕФА Чемпионлар лигаси финалида "Челси"дан (0:1) учралган мағлубият учун мухлислардан узр сўради.

“Кеча биз мухлисларимиз биз билан фахрланишлари учун бор кучимизни бериб ўйнадик. Афсуски, бу кубокни ютиш ва уни уйига олиб кетиш учун етарли бўлмади. Биз янада кучлироқ бўлиб қайтамиз. Қўллаб-қувватлаганингиз учун барчангизга ташаккур”, - деб ёзди англиялик футболчи ўз твиттер саҳифасида.

“Манчестер Сити” ўз тарихида илк бор УЕФА Чемпионлар лигаси финалига чиқди. “Челси” эса ушбу мусобақада иккинчи марта ғалаба қозонди.

Кайл Уокер жорий мавсум “шаҳарликлар” сафида жами 39 та ўйин ўтказди ва 1 та голга муаллифлик қилди.

Фикрлар

Фикр қолдириш учун авторизациядан ўтинг!