"Манчестер Сити" футболчиси рекорд ўрнатди

Португалия миллий терма жамоаси ҳамда Англиянинг "Манчестер Сити" клуби ярим ҳимоячиси Бернарду Силва Англия Премьер-лигасида энг кўп ўйин ўтказган португалиялик футболчи бўлиб рекорд ўрнатди.

Гап шундаки, "шаҳарликлар" хавбеги кеча Лондоннинг "Челси" клубига қарши баҳсда майдонга тушди. Бу баҳс Бернарду учун Англия Премьер-лигаси доирасидаги 297-ўйин бўлди. Шу тариқа, Силва "Вест Хэм", "Арсенал" ва "Фулхэм" клубларида тўп тепган Луиш Мортени ортда қолдирди. Унинг ҳисобида 296та ўйин бор эди. Кучли учликни эса Криштиану Роналду якунлаб беради. Криш "Манчестер Юнайтед" сафида АПЛда 236та учрашувда майдонга тушишнинг уддасидан чиққан.

Эслатиб ўтамиз, Бернарду Силва жорий йилнинг ёзида "Манчестер Сити" ни тарк этиши деярли аниқ.