"Манчестер Сити" ҳимоячисининг уйи Чемпионлар лигаси ўйини вақтида талон-тарож қилинди

"Манчестер Сити" ҳамда Португалия миллий терма жамоаси ҳимоячиси Рубен Диашнинг уйи ўғирланган. Бу ҳақда BBC нашри хабар бермоқда.

Маълумотларга кўра, номаълум шахслар Чешир графлигида жойлашган уйга чоршанба куни кечқурун кириб боришган. Ўша пайтда Диаш Чемпионлар лигаси доирасида Туркиянинг "Галатасарой" жамоасига қарши ўйинни стадионда томоша қилаётган бўлган. Футболчи жароҳат сабаб ушбу учрашувда иштирок этмаган.

Шу вақтда унинг қизи Майя Жама эса Жанубий Африка Республикасида реалити-шоу суратга олиш жараёнларида бўлган. Ҳодиса жойига етиб келган полиция ходимлари уйга бегона шахслар кириб, бир қатор буюмларни олиб кетганини аниқлади.

Британия матбуотининг ёзишича, ўғирлик давомида қимматбаҳо тақинчоқлар, электрон ускуналар, кийим-кечак ва бошқа қимматли ашёлар олиб кетилган.

Маълумот учун, 28 ёшли Диаш жорий мавсумда "шаҳарликлар" сафида барча мусобақаларда 25 та учрашув ўтказиб, 2 та гол урган.