"Манчестер Сити" Ҳусановга рақобатчи сифатида АПЛнинг энг яхши ҳимоячиларидан бирини жамоага жалб қилмоқчи

"Манчестер Сити" ҳамюртимиз Абдуқодир Ҳусановга рақобатчи сифатида "Арсенал"нинг марказий ярим ҳимоячиси ҳисобланган Салибани олиб келиши мумкин, дея хабар бермоқда "Defence Central" нашри.

Хабарингиз бор, "шаҳарликлар"нинг жорий мавсуми кутилганидан анча ёмон кечмоқда. "Сити"нинг асосий муаммоларидан бири – ҳимоядаги ишончсизлик. Шунинг учун улар "канонирлар" марказий ҳимоячиси Салибани сотиб олиш учун катта маблағ таклиф қилишга тайёр. Чемпионлар лигасининг асосий фаворитларидан бири саналган жамоа 1/8 финалда "Реал Мадрид"га ютқазиб, мусобақани тарк этди. Премьер-лигада эса манчестерликлар пешқадамдан анча орқада қолиб кетган ва чемпионлик учун курашиш имконияти деярли йўқ.

Жамоанинг ягона мақсади – келаси мавсум Чемпионлар лигаси йўлланмасини қўлга киритиш, лекин бу ҳам ҳозирча кафолатланган эмас. Шу сабабли Пеп Гвардиола трансфер бозорига қаттиқроқ қарашни бошлаган ва "Сити"да катта ўзгаришлар қилишни режалаштирмоқда. 

Бундан ташқари, франциялик фулбекка Мадриднинг "Реал" клуби билан ҳам жиддий қизиқиш билдираётгани ҳақида миш-мишлар тарқалаётган эди. 
 
Маълумот ўрнида, 24 ёшли ҳимоячи жорий мавсум "тўпчилар" сафида 39 та беллашувда майдонга тушиб, 2 та гол уришга муваффақ бўлган. Унинг клуб билан шартномаси эса 2027 йилнинг ёзигача мўлжалланган.