"Манчестер Сити" икки футболчини олиш учун бир ўйинчисини "қурбон" қилади

«Манчестер Сити» ярим ҳимоячиси Нико Гонсалес трансфер ойнаси ёпилгунча жамоани тарк этиши мумкин. Бу ҳақда talkSPORT манбаси хабар бермоқда.

Манба маълумотига кўра, 24 ёшли испаниялик футболчига «Ньюкасл» жиддий қизиқиш билдирган. Клуб Сандро Тонали ва Бруно Гимараэс йўқотилганидан сўнг ярим ҳимоя чизиғини кучайтиришни режалаштирмоқда. 

Шу билан бирга, «Манчестер Сити» Гонсалесни сотишга тайёр, чунки ушбу трансфердан тушадиган маблағ «Челси» ярим ҳимоячиси Энцо Фернандес ва «Лилль» футболчиси Айюб Буаддини сотиб олишга йўналтирилиши мумкин.

Шу билан бир вақтда, таъкидланишича, Нико Гонсалеснинг ўзи Энцо Марески бошқарувидаги жамоада қолишни афзал кўрмоқда.

Эслатиб ўтамиз, ўтган ёзда «Манчестер Сити» Гонсалесни «Порту» клубидан 60 миллион евро эвазига сотиб олган эди. Испаниялик ярим ҳимоячи шу кунга қадар барча мусобақалар доирасида 59 та ўйинда майдонга тушиб, 4 та гол урган.