"Манчестер Сити" испаниялик ярим ҳимоячи сотиб олмоқчи

Райс учун курашдан чиққан "Манчестер Сити" бошқа вариантларни кўриб чиқяпти. Клуб "Сельта" футболчиси Габри Вейгага қизиқмоқда, дея хабар берди Фабрицио Романо. 

Маълум бўлишича, 21 ёшли ярим ҳимоячини "Челси" ва "Ливерпуль" клублари ҳам ўз таркибига қўшиб олишни режалаштирган. Испаниялик футболчининг товон пули 40 миллион еврога тенг. 

Маълумот учун, Габри Вейга якунига етган мавсумда "Сельта" таркибида 40 та ўйинда майдонга тушиб, 11 та гол урди ва 4 та ассист амалга оширди.