"Манчестер Сити" Жезуснинг маошини икки баробар оширади

"Манчестер Сити" раҳбарияти бразилиялик ҳужумчи Габриэль Жезус билан амалдаги шартномани узайтирмоқчи.

Daily Star нашри тарқатган хабарга кўра, “шаҳарликлар” 23 ёшли футболчига узоқ йиллик шартнома таклиф қилмоқчи ва унинг маошини икки баробарга оширмоқчи. Таъкидлаш керакки, томонларнинг айни дамдаги келишуви 2023 йилга қадар имзоланган.

Жезус жорий мавсум АПЛда жами 4 та ўйинда майдонга тушди ва 3 та гол уришга эришди. Унинг трансфер нархи 60 млн еврога баҳоланмоқда.