"Манчестер Сити" кўзлаётган яна бир футболчининг исми маълум бўлди!

"The Athletic" нашрининг ёзишича, "Манчестер Сити" "Милан" ярим ҳимоячиси Тейани Рейндерс билан жиддий қизиқмоқда. Манчестер клуби аллақачон италияликлар билан боғланган ва футболчига бўлган қизиқишини билдирган. Аммо ҳозирча расмий таклиф юборилмаган.

Муҳими, Рейндерс варианти клубнинг бошқа трансфер режаларига боғлиқ эмас. Яъни, "Сити" Флориан Вирц ("Байер") ёки Морган Гиббс-Уайт ("Ноттингем Форест")дан бири билан шартнома имзолаган тақдирда ҳам нидерландиялик футболчига қизиқиш сақланиб қолади.

Тейани Рейндерс жорий мавсумда A Серияда 10 та гол урган — бу жамоада Кристиан Пулишичдан кейинги энг яхши натижа ҳисобланади.