"Манчестер Сити" Лондон клубини қийинчилик билан енгди

АПЛ 13-туридан ўрин олган "Манчестер Сити" - "Вест Хэм" учрашуви якунига етди. Мазкур ўйинда майдон эгалари 2:1 ҳисобида рақибдан устун келди. 

33-дақиқада Гюндоган ҳисобни очди. Асосий вақт якунида Фернандиньо орадаги фарқни иккитага етказиб қўйди. Ўйинга қўшиб берилган дақиқаларда Лансини ҳисобни қисқартирди. 

Ушбу ғалабадан сўнг "шаҳарликлар" очколари сонини 29 тага етказиб олган ҳолда, АПЛ турнир жадвалида 2-ўринга кўтарилиб олди. 23 очкога эга "болғачилар" эса 5-ўринни банд этган.