“Манчестер Сити” Марескага трансферлар учун катта маблағ ажратади

Энцо Мареска “Манчестер Сити” бош мураббийи лавозимида устози Хосеп Гвардиолани алиштириши кутилмоқда.

Гвардиола агар кутилмаган ҳеч нарса юз бермаса, мавсум якунланганидан кейин ўз лавозимини тарк этади ва унинг вориси сифатида аввалги ёрдамчиси Мареска танланган. Италиялик мутахассис билан дастлабки келишувга эришилган.

The Sun нашрига кўра, “шаҳарликлар” раҳбарияти Энцо Марескага яқинлашиб келаётган ёзги трансферлар учун тахминан 200 миллион фунт стерлинг, яъни 230 миллион евродан ортиқ маблағ ажратишга тайёр.

Клубнинг асосий трансфер нишонлари қаторига Эллиот Андерсон (“Ноттингем Форест”), Майкл Кайоде (“Брентфорд”) ва Эли Жуниор Крупи (“Борнмут”) киритилган.

Эслатиб ўтамиз, Энцо Мареска 2026 йил январь ойида “Челси”дан ишдан бўшатилган эди. У клубда 2024 йил ёзидан буён фаолият юритиб келаётганди.